Oleh : Ahmad Ch
*********************
Setahun lalu, sebelum kawe berege
60, anye la ngancap-ngancap. Aku pernah nulis di Pisbuk judulnye KAWE MAHAL.
Lumayan rami di like, comen, share dan subcribe hehe.
Pukuknye petani kawe awang dan
lapang. Gerubuk, kersi garuda, kulkas 3 pintu, mesin cuci, tiap aghi lalu lipus
depan ghumah. Ribang nian nginak cengih supir taksi sambil ngudut rukuk
sampurne.
Jeme baguk, jeme ngudimi aguk,
jeme ngindun, naikka rasan dindak kalah nggak rege kawe ye selalu naik, kisa di
55, 60, sampai rege tertinggi 72.
La due bulan ni rege kawe la
beguyur tughun. Mulai direge 55, 50, 45, kabar terakhir la dibawah 40. Padahal
musim mpai ka mulai. Amu kate tukih-tukih biase ka ngancap Agustus tughun die
rege kawe. Entah tuapelah hubungan kawe nughun nggak 17 Agustus.
Waktu kawe rege mahal tahun
bawah, banyak palang pule petani mbeli kebun kawe. Nak kebun tugik, kebun
mbelakang kambing, asak ditawakka sambar jeme. Dik pule meghalang regenye, di
pucuk 80 jiti gale. Amu li tugik pacak diiluki katenye, belikah pupuk kandang.
Jadi la ade trand baru ditanah Semende ni. Kawe la mulai dipupuk nggak pupuk
kandang, yang selame ini belum terpikirkan.
Prediksi
Apakah harga kopi tahun ini akan
kembali ke angka 60? Harapan kite petani kawe, mintak-mintak. Tuape tu dik
mungkin, amu Tuhan tulung malaikat rampe.
Kembali ke sejarah selawi taun
lalu. Waktu kawe sampai rege 25 ribu. Menurut jeme calak-calak waktu itu, kawe
pacak rege mahal karne Krisis Moneter. Rege-rege barang naik gale, temasuk rege
kawe, mulai 7.500, 15.000 sampai harga tertinggi 25 ribu. BBM ditahun 1997-1998
juga naik dari 700 repiah naik ke 1.200 repiah.
Taun bawah kawe pacak naik karne
di Brazil nggak Vietnam gagal panen akibat cuaca panas. Kabare kawe di tuju itu
banyak ye mutung, laju kawe kite naik regenye. Anye kabare mbakini kawe di
dusun ma Neymar tu la ngulang ringkih. Ka ngulanglah mukul agung.
Taun 1998 lame giape kawe sampai
rege 25 ribu? Ternyate gi taun itulah, taun-taun berikutnye ngulang nughun. Amu
nginak sejarah taun 1998 tu retinye taun ini rege kawe ni ka terusla nughun.
Anye pintak kite gegale mpuk nughun jangan nughun menagh.
Jadilah kudai, masih lesu mpuk
nulis rupenye amu kawe nughun.
Salam semangat petani kawe se
Indonesia Raya
Tidak ada komentar:
Posting Komentar