Oleh : Ahmad Ch
********************
Enam puluh...enam puluh...kate
mamak di video dalam pisbuk tu sambil nggegai-nggegai batang kawe bebuah lebat
la ngejraw abang gale.
Pukuknye kate-kate enam puluh-
enam puluh dang rami mbak ini aghi. Dang lemak menagh nganingnye.
Ase tekanjat.
Sepanjang sejarah perkawean di
Indonesia, tahun 2024 adalah tahun bersejarah bagi petani kopi Indonesia, karne
rege kawe sampai 60 ribu lebih, kanye di Semende saje.
Tahun 1997 – 1998 rege kawe
pernah mencapai titik tertinggi hingga selawi ribu. Zaman itu dik kalah
hebohnye. Kalu nak mbeli motor dik perlu ke Marinim atau ke Lahat. Jeme jualan
motor tu ngandas sampai ke dusun luk njual barut, lime pengisi ghumah lime pule
mutur baru. Jeme bekebun mbeli gale kulkas, kanye ndik badah mbuat Es, ndik
badah barut.
Tahun ini merupakan berkah besar
bagi petani Kopi se Indonesia raya. Terkhusus jeme Semende ye bekebun kawe. Amu
dik bekebun gi andun titikan gatuy saje, gi nganingi jeme saje enam puluh-enam
puluh...
Selain rege mahal, kondisi
buahpun cukup menggembirakan, rate-rate tahun ini kawe bebuah lebat, setelah
dua tahun terakhir kawe di semende kurang buah, rege juga kurang bersahabat.
Tahun ini Tuhan memberi hamba-hambanya ye bekebun rezki berlimpah.
Janga Sumbul
Penulis pernah dapat cerite waktu
kawe rege selawi ribu tahun 97-98 waktu itu. Ade mamak bekebun Libagh gulih
kawe katah, berayak ke dusun, mbawe mubil Tuyuta Kijang baru, lengkap nggak
supir,karne mamak itu lum pacak nyupir,mpai pacak nyupir kilangan saje.
Kebetulan waktu die berayak tu dang
musim ngetam, Mamak tadi betanye nggak kerbai tuan sawah
“ beghape angkitan sawah ma denga
ni?”
“Sekitar due tun setengah Mak”
kate kerbai tuan sawah.
“Amu dijual te ke tengkiang nggak
dangau ni, ka berape regenye?” Kate Mamak itu.
Laju tediam kerbai tuan dangau.
Pandakka cerite, tige tahun
berselang. Mamak tadi la milu teraha ke sawah ma kerbai itu. Rupenye kawe la
ngulang murah. Mubil la tejual, kebun la tesande utang la bejambai.
Jadi ye dang gulih rezki katah,
janga menagh sumbul, merendahka jeme. Kawe dikka bebuah lebat saje, rege dikka
enam puluh saje. Tetapla bersyukur, bai keting ndak ngapat kinaki. Nikmati dan
syukurilah rezki yang ade. Mangke tuhan injik
Nyantukka Landean
Taun ini Insya Allah landean
pacak nyantuk. Ye ndak seturan haji jadilah se tun kawe la ndik wa due. Ye nak
ngantat anak ke ma tunggu tubang pacak besak juge mbeli Kebau. Batin Jande ye
berencane nganggaw la pacak pule melande. Bujang bekebun ye ade rupukan nak
semende pacak due suku ngenjuk calonnye ndik mas kawin. Anak-anak tengah
mbelilah kudai timbukan. Syukur pule amu la lasung pacak betegak.
Pukuknye tuape kina nak beli
lajukala. Anye takar-takar manfaatnye. Ibarat ka mbeli mubil, rupuki kudai ka
ndik ape, amu sekedar ndik gaya maklah lum, lemakla belikah nggak emas atau
tanah.
Ye jangan nian dicukah-cukah di
utangkah nggak jeme. Kalu talu. Karne mbak ini aghi gerutlah ye beghutang tinga
ye nagih.
Tetaplah berhati-hati
Waspadalah....Karne rege mahal rawan
pule jeme maling. Janga lingah, amu kawe la beguyur masak guyurilah putigh,
dangau jangan agi tinggalkah.
Bepesan pule nggak ye la gulih
kawe dik agi ndak tahan-tahan, atau nunggu ngguk kawe rege seratus. Amu la
gulih, kawe la keghing jualkala. Jadilah pule amu la enam puluh. Lemaklah
nggaduh duit tinga bekemit nunggui kawe bawa ranjang.
Pengalaman ditahun 97-98 banyak
ye nunggu rege ngguk sampai tige puluh. Rupenye rege kawe semakin tughun,
akhirnye gi tejual rege tige ribu, itupun bayarnye betitil li tukih.
Mudah-mudahan sampai due tahun
kedepan masih ka mahal rege kawe ni (Ini predeksi) mengingat perkopian Brazil
dan Vietnam belum akan sepenuhnya pulih akibat cuaca panas ektrim yang
menyebabkan hancurnya kebun kopi di dua negara penghasil kopi terbesar di dunia
tersebut.
Salam Satu Ranting
280524
