Jangan Nganyang!!!!!!
Ahmad Ch
************
Sunat nganyangtu!
Inilah kata sakti mandraguna ye biase diguneka oleh para penganyangers mangke dapat barang dianyang tu dengan rege semurah-murahnye. Dalam hukum jual beli, ngayang itu dibolehka. Bukan disunatka. La dikelibiki di gugel, la didengaghi ceramah, lum nian di cakaghi amu dikitab-kitab kuning gundul, ye ngateka bahwa nganyangtu sunat.
Ye ade hukum nganyang/nawar tu boleh. Amu hukumnye sunat kite dapat pahale amu nganyang. Anye karne hukumnya boleh, dik nganyang lebih iluk.
Nganyang-mengayang merupakan seni dalam jual beli, dan itu boleh. Catat Boleh/ dik ka ngape, bukan sunat. Amu dik nganyang alap, retinye kite membahagiakan penjual.
Seorang penjual perasaannya akan bahagia jika jualannya laku, habis, dan mendapatkan uang yang banyak dari jualannya, dan sebaliknya pedagang akan merasa kecewa jika jualannya habis tapi uang yang didapat tak sesuai harapan karena banyaknya yang menawar/nganyang.
Ditukilka pesan Rasulullah “ Dan Allah akan menolong seorang hamba,selama ia masih mau menolong saudaranya” Bukankah kita termasuk menolong saudara kita jika kita membeli sesuatu dari jualannya?
Penomena Kalangan di dusun
Kalangan dusun adalah pasar mingguan tempat masyarakat dusun bertaransaksi. Kebanyakan yang dijual adalah kebutuhan dapur sehari-hari. Ramuan gulai, kunyit, pedas, cabi, tungdire, taghuk lumai, taghuk labusiam, tighau tuwi, tighau bibigh, pukuknye banyak.
Nah mbasi jenis ramuan gulai ni ye biase regenye kadang melangit kadang membumi adalah cabi. Lain disane jarang mahal palangan. Jembak, mpuk lebuk mpuk besak jarang berege duepuluh ribu. Amu setumbar idup sekebat seribu tulah, dik naik-naik kisa dikale.
Kadang la ngecik-ngecik saje kerbai bejualan tu, jualannye kunyit secumpuk, pedas sebakul kecik, tungdire la cumpuk-cumpuk kanye ade 8 cumpuk, due ribu secumpuk, setumbar idup 6 kebat, regenye seribu sekebat, seghai 10 kebat, amu di regeka sekitar 70 ribu sedakde jualannye tu.
Niat kerbai ini amu laku gale pacak mbeli ayam abang ndik mberap jeme baguk. Namun apalah daya….
Lum lame duduk, lum biye jeme mbeli…
Kercis bung, kate tukang kercis, lah due ribu makan mudal…
Lum senampur datang kerbai njinjat sangkik, baju alap, cenila tumit due jaghi, jelbab mirik Pashmina gulihan mbeli onlin COD pule, ngayap mbeli cungdire cumpukan, rege due ribu secumpuk, dianyang 3 cumpuk lime ribu, mintak pule penganyangan setumbar idup sekebat. Ayyay?????? Rupenye masih kawan katenye.
Singkat cerite. Abis jualan kerbai itu, rikinnye duit, tekumpul duit 49.000, nanye rege ayam nggak jeme bejualan disampingnye, 45.000. Ka balik mbeli martabak pesanan anaknye, lime ribu regenye. Alhasil rikin-rikinlah li kamu guk inilah beghape kerbai itu gulih duit.
Anye sepenganyang-penganyang Kaman kamu, ade due macam jualan dikalangan tu ye dik kene dianyang. Ngganti nian amu kamu masih nganyang titu.
Pertame, umbut uwi, ngganti amu ibung-ibung nganyang titu. Usim gimude aku pernah ajaknye li murid dang bekemah ncakagh umbut, mancanku mudah juge tinggal netak. Rupenye sukagh sakit.
Dikbie ditengah kebun atau dipinggir kebun mbasi umbut ni. Ndak masuk ke ghimbe, ndak taghik ndak unjan. Amu cucuk dughinye sedie kate. Amu pacat ngerintil la luk liling ngerintil di unjagh.
Dikalangan rege umbutni rupenye dik sesuai nggak perjuangan ngambiknye. Paling mahal sepuluh ribu tige kebat.sekebat tige atau empat tetak. Retinye dik sampai seribu setak titu.Mangke masih ndak anyang. Nggantiiii nian ibung-ibung.
Ye kedue jangan pule dianyang jantung pisang utan. Ngape? Ncakahg titu ampir same pule nggak umbut uwi tadi. Dikbie dipinggir sawah badah titu. Nak njukjuk pule masuk utan. Dan dikalangan rege titu sutik paling mahal lime ribu.
******
Untuk gengsi kita tak pernah menawar. Ketika berbelanja di Mall berapapun harga yang tergantung pada merk barang yang kita beli kita sanggup membayarnya.
Ketika berbelanja di April dan Maret begitu juga, berapa total kata petugas kasirnya, uang yang masih harum kita keluarkan. Tapi kenapa ketika berbelanja diwarung sebelah rumah masih ditawar dan kadang diberi uang yang sudah pudar gambarnya.??
